Mar 02
ضجيج الصمت القاتل
ضجيج الصمت القاتل
( المسرح مظلم, بقعة ضوء على فادي الذي يجلس على كرسي فخم جداً, يلبس بدلة رسمية باهظة الثمن, السيجار في يده, بقعة الضوء تظهر جذعه ووجهه فقط, أما باقي جسمه مخفي عن الجمهور في الظلام, كما يظهر الجزء الأعلى من الكرسي فقط )
- فادي: عينوني المدير الإقليمي لمجموعة شركات الماجد, على طول بعينوني مدير, أصلاً أنا ما بقدر اشتغل إلا مدير, يعني إذا اشتغلت مستخدم, بكون مدير مستخدم… (صمت طويل).
هلأ ساكن بالتنظيم, بيتي فيه سبع غرف نوم, و تلت حمامات, و صالونين… سياراتي؟.. حدث ولا حرج, عندي شي.. ( يعد على أصابعه ) تلاتين.. واحد.. اتنين .. ايه ايه.. أربع و تلاتين سيارة, بس أكتر وحدة بحبها المورانو, بحب هالسيارة كتير أنا, كانت تعجبني الميغان بالأول, بس بعد ما جربت المورانو ماعاد حبيت غيرها, أنا كتير بحب السيارات, و بحب المصاري.
